ભારતીય ટીમનો ખેલાડી વિનય કુમાર લાંબા સમયથી આંતરરાષ્ટ્રીય ક્રિકેટથી દૂર છે. તેમણે ટીમ ઈન્ડિયા માટે છેલ્લી ઈન્ટરનેશનલ મેચ 2013માં રમી હતી. તેમણે 2020 બાદ ડોમેસ્ટિક મેચ પણ રમી નથી. પરંતુ વિનય તાજેતરમાં ચર્ચામાં આવી ગયો છે. તેમની પત્ની રિચા એક બાળકને જન્મ આપવાની છે. વિનય ટૂંક સમયમાં પિતા બનશે. મુંબઈ ઈન્ડિયન્સે પોતાના ટ્વિટર હેન્ડલ દ્વારા ચાહકોને આ સમાચાર આપ્યા હતા. ફ્રેન્ચાઇઝીએ વિનય અને તેની પત્નીની એક સુંદર તસ્વીર શેર કરી છે.
મુંબઈ ઈન્ડિયન્સે તાજેતરમાં ટ્વિટર પર એક ફોટો શેર કર્યો છે. તેમાં વિનય કુમાર તેની પત્ની રિચા સિંહ સાથે જોવા મળી રહ્યો છે. રિચા ગર્ભવતી છે અને તે એક બાળકને જન્મ આપવાની છે. મુંબઈએ ટ્વિટ કરીને ચાહકોને આ માહિતી આપી હતી. ફ્રેન્ચાઇઝીએ તેના માટે રિચા અને વિનયને અભિનંદન પણ પાઠવ્યા છે.
Congratulations to @Vinay_Kumar_R and his wife @richavkumar, who are adding another member to their lovely family ?#OneFamily pic.twitter.com/oYR6atNPUn
— Mumbai Indians (@mipaltan) June 11, 2022
નોંધનીય છે કે, વિનયે ટીમ ઈન્ડિયા માટે 31 ODI રમી છે. આ દરમિયાન તેણે 38 વિકેટ ઝડપી હતી. વિનયે નવેમ્બર 2013માં ઓસ્ટ્રેલિયા સામે છેલ્લી વન-ડે ઈન્ટરનેશનલ મેચ રમી હતી. તેણે 9 T-20 આંતરરાષ્ટ્રીય મેચમાં 10 વિકેટ લીધી છે. વિનયે ઓક્ટોબર 2013 માં ઓસ્ટ્રેલિયા સામે છેલ્લી T-20 ઈન્ટરનેશનલ મેચ રમી હતી. તે 2018 પછી IPL માં જોવા મળ્યો નથી. વિનય તેની છેલ્લી IPL સિઝનમાં કોલકાતા નાઈટ રાઈડર્સનો ભાગ હતો.
