![10મા, 12માની ઑફલાઇન બોર્ડ પરીક્ષાઓ રદ કરવાની અરજી સાંભળવા તૈયાર છે સુપ્રીમ કોર્ટ](https://mediaassets-in.blr1.cdn.digitaloceanspaces.com/gujaratcoverage/2022/02/BeFunky-collage-6.jpg)
સુપ્રીમ કોર્ટ (Supreme Court) દેશભરમાં 10મા અને 12માની બોર્ડની ઓફલાઈન પરીક્ષા (Offline Examinations) ઓ રદ કરવાની અરજી પર સુનાવણી કરવા સંમત થઈ ગઈ છે. CJI જસ્ટિસ એનવી રમના (Justice NV Ramana) એ કહ્યું કે જસ્ટિસ એએમ ખાનવિલકરની બેન્ચ આ મામલે સુનાવણી કરશે. વકીલ પ્રશાંત પદ્મનાભને બેન્ચને જણાવ્યું કે આ અરજી ધોરણ 10 અને 12મા ધોરણના વિદ્યાર્થીઓની બોર્ડ પરીક્ષા સાથે જોડાયેલ છે.
અરજીમાં તમામ રાજ્ય બોર્ડ, CBSE અને ICSEની 10મા અને 12મા બોર્ડની શારીરિક પરીક્ષાઓ રદ કરવાની માંગ કરી છે. અરજીમાં કહેવામાં આવ્યું છે કે કોવિડને કારણે શારીરિક રીતે વર્ગો થયા નથી, તેથી ઑફલાઇન પરીક્ષાઓને બદલે ઑનલાઇન પરીક્ષા યોજવામાં આવે. તેના પર CJI એ કહ્યું કે બરોબર છે આ અંગે જસ્ટિસ એએમ ખાનવિલકરની બેંચ સમક્ષ લિસ્ટ કરવામાં આવશે.
વકીલ અને બાળ અધિકાર કાર્યકર્તા અનુભા સહાય શ્રીવાસ્તવે પણ અરજી દાખલ કરીને ઑફલાઇન પરીક્ષાને બદલે વૈકલ્પિક મૂલ્યાંકન પદ્ધતિ દ્વારા પરિણામ આપવાની માંગ કરી છે. યાચિકામાં બધા બોર્ડને સમયસર પરિણામ જાહેર કરવા માટે નિર્દેશ આપવા અને વિવિધ પડકારોનો સામનો કરવાને કારણે રિફોર્મ પરીક્ષાનો વિકલ્પ આપવાની પણ માંગ કરવામાં આવી છે.
અરજીમાં કહેવામાં આવ્યું છે કે કોર્ટે CBSE, ICSE, NIOS અને રાજ્ય બોર્ડના ધોરણ 10, 11, 12 ના વિદ્યાર્થીઓ માટે ઑફલાઇન પરીક્ષાને બદલે મૂલ્યાંકનની વૈકલ્પિક પદ્ધતિઓ અપનાવવા માટે નિર્દેશ આપે. આ ઉપરાંત જે લોકો આંતરિક મૂલ્યાંકનથી સંતુષ્ટ નથી તેમના માટે એક રિફોર્મ પરીક્ષા યોજવવા પણ આદેશ કોર્ટે આપે.
અરજીમાં કમ્પાર્ટમેન્ટના વિદ્યાર્થીઓ સહિત વિદ્યાર્થીઓના મૂલ્યાંકન માટેની ફોર્મ્યુલા નક્કી કરવા માટે એક નિર્ધારિત સમયમર્યાદામાં પરિણામ જાહેર કરવા માટે એક આદેશ આપવાની પણ માંગ કરવામાં આવી છે. અરજીમાં કહેવામાં આવ્યું છે કે કોવિડના કારણે શારીરિક રીતે વર્ગો ન યોજાયા, આવી સ્થિતિમાં બોર્ડની પરીક્ષાઓ ઓનલાઈન લેવામાં આવે.
અરજીમાં વિવિધ યુનિવર્સિટીઓમાં પ્રવેશની તારીખ જાહેર કરવા માટે એક સમિતિની રચના કરવા માટે UGC ને આદેશ જાહેર કરવાની પણ માંગ કરવામાં આવી છે.