કોમેડી કિંગ કપિલ શર્માને લઈને આવ્યા મોટા સમાચાર, ફરીથી ફિલ્મી પડદા પર હાથ અજમાવશે

કોમેડી કિંગ કહેવાતા કપિલ શર્મા ‘કિસ-કિસ કો પ્યાર કરો’ અને ‘ફિરંગી’ જેવી ફિલ્મોમાં કામ કરતા જોવા મળી ચુક્યા છે. તેમ છતાં આ બંને ફિલ્મો બોક્સ ઓફિસ પર અપેક્ષા મુજબ કમાલ કરી શકી નહોતી. હવે કપિલ શર્માની વધુ એક ફિલ્મની જાહેરાત કરવામાં આવી છે જેમાં દિગ્ગજ ફિલ્મમેકર નંદિતા દાસ કપિલ શર્માની સાથે કામ કરવા જઈ રહી છે. ફિલ્મમાં કપિલ શર્મા કેટલાક એવા કામ કરતા જોવા મળશે જે તેમને પહેલા ક્યારેય કર્યું નથી.

કપિલ શર્માએ સોશિયલ મીડિયા પર પોસ્ટ શેર કરીને આ બાબત વિશેમાં પોતાના ચાહકોને જાણકારી આપી છે. કપિલ શર્મા આ ફિલ્મમાં એક ફૂડ ડીલીવરી કરનાર પાત્રમાં જોવા મળશે. કપિલ શર્માના અપોઝીટ શાહાના ગોસ્વામી જોવા મળશે જે ફિલ્મમાં તેમની પત્નીનું પાત્ર નિભાવી રહી છે. આ મહિનાના અંતમાં ભુવનેશ્વર-ઓડીશામાં ફિલ્મની શુટિંગ શરૂ કરવામાં આવશે.

નંદિતા દાસે ફિલ્મ વિશેમાં જણાવ્યું છે કે, “ફિલ્મમાં તે બતાવવાનો પ્રયાસ કરવામાં આવી રહ્યો છે કે સામાન્ય લોકોની આંખોમાં શું છુપાયેલું છે અને તેના માટે શાનદાર કાસ્ટ અને ક્રૂ સાથે આવ્યા છે. એક દિવસ મારી સ્ક્રીન પર કપિલ શર્મા અચાનકથી સામે આવી ગયા, મેં તેમનો શો જોયો નથી, પરંતુ હું તેમને સંપૂર્ણપણે ‘સામાન્ય વ્યક્તિ’ નું રિપ્રેજેન્ટ કરતા જોઈ શકતી હતી.
નંદિતાએ જણાવ્યું છે કે, ‘ભલે તે તેમાંથી એક નથી, પરંતુ મને ખાતરી છે કે, તે પોતાની સ્વાભાવિક નિખાલસતાથી પોતાને અને બીજા બધાને આશ્ચર્યચકિત કરી નાખશે. હું એક અદ્ભુત અભિનેત્રી શહાના સાથે ફરીથી કામ કરવા માટે ખૂબ જ ઉત્સુક છું અને સમીર (નાયર) માં મને એક સાચો પ્રોડ્યુસીંગ પાર્ટનર મળ્યો છે.