જિયોના આ ફેમેલી પ્લાનમાં ઓટીટી પ્લેટફોર્મનો ભરમાર

રિલાયન્સ જિયો પોતાના યુઝર્સને પ્રીપેડની સાથે કેટલાક શ્રેષ્ઠ પોસ્ટપેડ પ્લાન ઓફર કરી રહી છે. કંપનીના પોસ્ટપેડ પ્લાન્સમાં બે ખૂબ જ શાનદાર ફેમિલી પ્લાન પણ રહેલા છે. આ પ્લાન્સમાં કંપની 150 જીબી સુધીનો ડેટા, બે એડીશનલ સિમ કાર્ડ અને ફ્રી કોલિંગ જેવા ફાયદાઓ આપી રહી છે. કંપનીના આ પ્લાનની સૌથી ખાસ વાત એ છે કે, તમને Netflix, Amazon Prime Video અને Disney+ Hotstar નું ફ્રી સબસ્ક્રિપ્શન પણ મળશે. આવો જાણીએ વિગતો….

Jio નો 599 રૂપિયાનો પોસ્ટપેડ પ્લાન

કંપની પોતાના આ ફેમિલી પ્લાનમાં યુઝર્સને વધારાનું સિમ કાર્ડ ઓફર કરી રહી છે. સમગ્ર બિલ સાઈકલ માટે આ પ્લાનમાં તમને ઇન્ટરનેટ વપરાશ માટે 100 GB ડેટા આપી રહી છે. ડેટા લિમિટ સમાપ્ત થયા બાદ તમને 1 જીબી ડેટા માટે 10 રૂપિયા ખર્ચવા પડશે. કંપનીના આ પ્લાનમાં 200 GB સુધીના ડેટા રોલઓવરનો લાભ પણ મળે છે.

દરરોજ 100 ફ્રી SMS આપનાર જિયોના આ ફેમેલી પોસ્ટપેડ પ્લાનમાં તમને દેશભરમાં બધા નેટવર્ક માટે અનલીમીટેડ કોલિંગ આપવામાં આવી રહ્યો છે. પ્લાનનો સૌથી મોટું આકર્ષણ તેમાં મળનાર ઓટીટી બેનીફીટ્સ છે. પ્લાનના સબ્સ્ક્રાઇબર્સને નેટફ્લિક્સ, એમેઝોન પ્રાઇમ વિડિયો અને ડિઝની + હોટસ્ટાર સાથે કંપનીની જિયો એપ્સનું ફ્રી સબ્સ્ક્રિપ્શન આપવામાં આવી રહ્યું છે.

Jio નો 799 રૂપિયાનો પોસ્ટપેડ પ્લાન

આ ફેમિલી પ્લાનમાં તમને બે એડીશનલ સિમ કાર્ડ મળશે. પ્લાનમાં કંપની ઈન્ટરનેટ વપરાશ માટે કુલ 150 GB ડેટા આપી રહ્યું છે. ડેટા લિમિટ સમાપ્ત થયા બાદ તમને 10 રૂપિયામાં 1 જીબી ડેટા મળશે. આ પ્લાનમાં 200 GB સુધીનો ડેટા રોલઓવર લાભ પણ ઉપલબ્ધ છે. આ પ્લાનમાં જે અમર્યાદિત વોઇસ કોલિંગ અને દૈનિક 100 મફત SMS ઑફર કરે છે, તમને Netflix, Amazon Prime Video અને Disney + Hotstar નું ફ્રી સબ્સ્ક્રિપ્શન મળશે.