કેનેડા એ તેના તમામ નાગરિકો ને આપી દીધી આ ચેતવણી, આ દેશ સાથેના સંબંધો વધુ બન્યા જોખમી
![](https://mediaassets-in.blr1.cdn.digitaloceanspaces.com/gujaratcoverage/2022/01/New-Project-3.jpg)
યુક્રેન અને રશિયા વચ્ચે વધી રહેલા તણાવને ધ્યાનમાં રાખીને કેનેડાએ પોતાના નાગરિકોને જરૂર પડે તો જ યુક્રેનની યાત્રા કરવાની સલાહ આપી છે. કેનેડાના વિદેશ મંત્રાલય દ્વારા જારી કરવામાં આવેલા નિવેદનમાં કહેવામાં આવ્યું છે કે, “એચલરસ અને યુક્રેન વચ્ચે વધી રહેલા તણાવ અને બંને દેશોના સરહદી વિસ્તારોમાં વધતા સૈન્ય નિર્માણને કારણે ખતરો વધી રહ્યો છે, તેથી યુક્રેનની બિનજરૂરી મુસાફરી ટાળો.”
અમેરિકા, ઓસ્ટ્રેલિયા અને બ્રિટને સોમવારે તેમના કેટલાક રાજદ્વારીઓ અને તેમના પરિવારોને સમાન ખતરાને ધ્યાનમાં રાખીને યુક્રેન છોડવાની મંજૂરી આપી હતી તેના જેવું જ આ પગલું છે. અન્ય દેશો પણ તૈયાર છે કે, જો સ્થિતિ વધુ વણસે તો તેમણે પણ પોતાના લોકોને યુક્રેન છોડવાની સલાહ આપી છે.
દરમિયાન, રશિયા યુક્રેન પર આક્રમણ કરવાના તમામ દાવાઓને નકારી રહ્યું છે, પરંતુ બીજી તરફ ભારપૂર્વક જણાવે છે કે તે રશિયન સરહદો નજીક નાટોની વધતી જતી સૈન્ય પ્રવૃત્તિને તેની રાષ્ટ્રીય સુરક્ષા માટે ખતરો માને છે.