પંજાબી એક્ટર દીપ સિદ્ધુ મોત કેસને લઈને આવ્યા મોટા સમાચાર, આરોપી ટ્રક ડ્રાઈવરની કરવામાં આવી ધરપકડ

ગયા વર્ષે ગણતંત્રના દિવસે દિલ્હીના લાલ કિલ્લા પાસે થયેલ હિંસામાં મુખ્ય આરોપી અને પંજાબ ના અભિનેતા દીપ સિદ્ધુનું મંગળવારના રોડ અકસ્માત મોત નીપજ્યું હતું. પરંતુ હવે તેને લઈને મોટા સમાચાર સામે આવ્યા છે. આ બાબતમાં હરિયાણા પોલીસને એક મોટી સફળતા પ્રાપ્ત થઈ ગઈ છે અને જે ટ્રક સાથે દીપ સિદ્ધુની કારનો અકસ્માત થયો હતો તે ટ્રક ચાલકની પોલીસ દ્વારા ધરપકડ કરી લેવામાં આવી છે.

આ ઘટનામાં આરોપ ડ્રાઈવરની વાત કરીએ તો તેનું નામ કાસિમ છે. પોલીસ દ્વારા જણાવવામાં આવ્યું છે જે ટ્રક સાથે અકસ્માત સર્જાયો હતો તે ટ્રક ડ્રાઈવરની ધરપકડ કરી લેવામાં આવી છે. આ ટ્રક ડ્રાઈવરને આજે કોર્ટમાં રજૂ કરવામાં આવશે.

જ્યારે દીપ સિદ્ધુનો અકસ્માત હરિયાણાના સોનીપત જિલ્લામાં ખરખૌદા પાસે કુંડલી-માનેસર-પલવલ હાઈવે પર સર્જાયો હતો. તે દરમિયાન એસયુવી ટ્રક સાથે અથડાઈ ગઈ હતી. આ ગમખ્વાર અકસ્માતમાં દીપ સિદ્ધુનું કરુણ મોત નીપજ્યું હતું.

તેની સાથે અકસ્માત સર્જાયો ત્યારે દીપ સિદ્ધુની સાથે તેની મંગેતર રીના રાય પણ રહેલી હતી. રોડ અકસ્માતમાં રીના પણ ઈજાગ્રસ્ત થઈ ગઈ હતી. તેમ છતાં હવે તે સંપૂર્ણ રીતે ઠીક છે. રીના રાય લાંબા સમયથી દીપ સિદ્ધુ સાથે પોતાના સંબંધોના કારણે સતત ચર્ચામાં રહી હતી.