આ તે કેવો કળયુગ, પત્નીએ ગેરકાયદેસર સંબંધ રાખવા કાયદેસર ના પતિ નું કાંસળ કાઢી નાખ્યું

નોઈડાના બરૌલામાં એક સ્ત્રી એ પોતાના ગેરકાયદેસર સંબંધો જાળવવા માટે પ્રેમી સાથે મળી ને પતિની હત્યા કરી હતી. પોલીસે આરોપી પત્ની અને તેના પ્રેમીની ધરપકડ કરી છે. આરોપી મહિલાને બે બાળકો છે.

પોલીસ મથકના પ્રભારીએ જણાવ્યું હતું કે, બાડૌનમાં રહેતા મુકેશ નામના 22 વર્ષીય યુવકનું બરાઉલા ગામમાં એક મકાનની અંદર મોત નીપજ્યું હોવાનું જાણવા મળ્યું છે. પોલીસ ઘરની અંદર પહોંચી ત્યારે મુકેશની લાશ પલંગ પર પડી હતી. પોલીસે લાશનો કબજો લઈ પોસ્ટમોર્ટમ માટે મોકલી આપ્યો હતો. મૃતકના ગળા પર ઈજાઓ મળી હતી. પોલીસે મૃતકની પત્નીની પૂછપરછ કરતાં તેણે કહ્યું કે મુકેશ રાત્રે તેના સમય પર સૂઈ ગયા હતા અને સવારે જોયું તો તે મૃત અવસ્થા માં હતા.

શંકાના આધારે પોલીસે તેની સખત પૂછપરછ કરતાં તેણીએ પ્રેમી સાથે મળીને તેના પતિની દોરડા વડે ગળું દબાવીને હત્યા કરી હોવાનું બહાર આવ્યું હતું. આ મામલો બહાર આવ્યા બાદ પોલીસે મુકેશની પત્ની અને તેના બોયફ્રેન્ડ, મુરાદાબાદના રહેવાસી અંકુર ની ધરપકડ કરી હતી.

ગુરુવારે રાત્રે મુકેશે ભારે દારૂ પીધો હોવાનું પોલીસ તપાસમાં બહાર આવ્યું છે. આ પછી તે નશામાં સૂઈ ગયો. પછી મહિલાએ તેના બે બાળકોને સૂવા માટે મોકલી દીધા. આ પછી તેના પ્રેમી અંકુરને ઘરે બોલાવવામાં આવ્યો. ત્યારબાદ બંને એ સૂતેલા મુકેશ નું દોરડા વડે ગળું દબાવી ને હત્યા કરી નાખી.

લગ્ન કર્યા વિના જ સાથે રહેતા હતા

એડીસીપી રણવિજયસિંહે જણાવ્યું હતું કે મુકેશે ઘણાં વર્ષો પહેલા તેની પત્નીને ગામથી ભગાડી ને નોઇડા આવી રહી રહ્યો હતો. તે બંને લગ્ન કર્યા વિના જ સાથે રહી રહ્યા હતા. આ દરમિયાન મહિલા ને પડોશમાં રહેતા  અંકુર સાથે પ્રેમ પ્રકરણની શરૂઆત થઈ હતી. જ્યારે મુકેશને તેના વિશે ખબર પડી ત્યારે તેણે મહિલાને માર માર્યો હતો. ત્યારબાદ મહિલાએ તેના પ્રેમી સાથે મુકેશની હત્યાનું કાવતરું રચ્યું હતું. કહેવામાં આવી રહ્યું છે કે મુકેશ પર તેના પિતાની હત્યા કરવાનો પણ આરોપ છે.