ઓનલાઈન શોપિંગ કરતી વખતે આ વાતોનું રાખજો ધ્યાન,નહીંતર ફુંકાઈ જશે‘દેવાળું’

લોકો સોશિયલ મીડિયા અને ઈન્ટરનેટની સાથે સાથે ઓનલાઈન પેમેન્ટ અને અન્ય અનેક વેબસાઈટોનો ઉપયોગ કરતા થયા છે. ત્યારે હાલમાં દિવાળીની સિઝન શરૂ થઈ ગઈ છે અને ઈ-કોમર્સ વેબસાઈટ્સ પર સ્માર્ટફોન અને અન્ય પ્રોડક્ટ્સ પર શાનદાર ઑફર્સ મળી રહી છે. Amazon, Flipkart, ShopClues અને અન્ય ઈ-કોમર્સ સાઇટ્સ ઘણી શાનદાર ડીલ્સ (સોદાઓ) ઓફર કરે છે, પરંતુ ગ્રાહકો ઘણીવાર ખોટી લિંક પર ક્લિક કરી દે છે અને ઠગોનો શિકાર બની જાય છે. ઘણી વેબસાઈટ્સે સ્માર્ટફોન, ટીવી, કોમ્પ્યુટર, કપડાં, ફર્નિચર, હોમ ડીવાઈસ અને અન્ય દરેક વસ્તુ પર આકર્ષક ઓફર્સ આપી છે.

અજાણ્યા લોકો બની રહ્યા છે શિકાર

ઓનલાઈન ખરીદી કરતા બેંક ખાતા ધારકોએ આ વિશે ખુબ જ સાવધાન રહેવું જોઈએ તેઓ ક્યાં લોગીન કરે છે અને પેમેન્ટ (ચૂકવણી) કેવી રીતે કરે છે, નહીંતર છેતરપિંડી કરનારાઓ તેમના પૈસા ચોરી કરી લેશે. આવા ઠગીઓ મોબાઇલના UPI પીન નંબર દ્વારા પૈસા પડાવે છે. સાયબર ઠગ્સનો ટાર્ગેટ અજાણ્યા લોકો રહે છે, જેઓ ઓનલાઈન સ્કેમ્સને સમજી શકતા નથી અને તેમના પૈસા ગુમાવી દે છે. ત્યારે ઓનલાઈન ફ્રોડ અને છેતરપિંડીના કેસોમાં પણ ધરખમ વધારો થઈ રહ્યો છે. આજે અમે તમને જણાવીશું કે ઓનલાઈન શોપિંગ કરતી વખતે કેવી રીતે છેતરપિંડીથી બચી શકાય…

ઓનલાઈન ખરીદી કરતી વખતે સુરક્ષિત રહેવાની 10 ટીપ્સ:

1. જ્યારે URL https:// થી શરૂ થાય છે, તો હંમેશા ઇન્ટરનેટ પર ખરીદી કરો.
2. સુરક્ષા સ્તર જોવા માટે તમારા કર્સરને URL માં લૉક આયકન પર ક્લિક કરો.
3. હંમેશા Amazon, Flipkart, ShopClues, Pepperfry અને અન્ય પ્રખ્યાત વેબસાઇટ્સ પર ખરીદી કરો.
4. ધ્યાન રાખો કે જ્યારે પણ તમે ઓનલાઈન ખરીદી કરો, ત્યારે એન્ટી વાઈરસ અને ફાયરવૉલ સોફ્ટવેર ચાલુ રાખવું જોઈએ.
5. જ્યારે પણ ઓનલાઈન તમારી પાસે કોઈપણ માહિતી માંગે, તો તેને નજરઅંદાજ કરો.
6. અજાણ્યા લોકો દ્વારા સલાહ આપવામાં આવેલી એપ્સ ક્યારેય ફોનમાં ઇન્સ્ટોલ ના કરશો.
7. કોઈ અજાણી વ્યક્તિ દ્વારા તમને આપવામાં આવેલી લિંક પર ક્યારેય વિશ્વાસ ન કરો.
8. તમારા એકાઉન્ટનો પાસવર્ડ સમય સમય પર નિયમિતપણે બદલાતા રહો.
9. પોતાની વ્યક્તિગત નાણાકીય માહિતી WhatsApp અથવા Facebook પર, આટલે સુધી કે પરિવારના સભ્યો સાથે પણ શેર ના કરશો.
10. જો ફ્રી લંચ અથવા પછી શોપિંગ ટ્રિપની ઑફર મળે તો સાવધાન રહો. કારણ કે ઓનલાઈન ખરીદી કરતી વખતે મફત લંચ જેવી કોઈ વસ્તુઓ હોતી નથી.