માતાએ તેના પ્રેમીથી દીકરીને દૂર રહેવા કહ્યું, ના પાડવા છતાં પણ માની નહિ તો માર્યા છરી ના 20 ઘા

વડોદરામાં એક માતાએ પોતાના હાથે મમતાને શરમાવે તેવી ઘટનાને અંજામ આપ્યો હતો. મહિલાએ શંકાના આધારે તેની 13 વર્ષની પુત્રી પર છરી વડે હુમલો કર્યો હતો. ખરેખર, 39 વર્ષીય મહિલાએ વિચાર્યું કે સગીર પુત્રીનું તેના પ્રેમી સાથે અફેર છે. આ કારણોસર તેણે મંગળવારે શહેરના આજવા રોડ પરના તેના ઘરે યુવતીની હત્યા કરી હતી.

ઘટનાની તપાસમાં સામે આવ્યું હતું કે મહિલા એક પુરુષ સાથે સંબંધમાં હતી. તે કમલાનગર સોસાયટીમાં તેના ઘરે આવતો હતો. પોલીસ અધિકારીએ કહ્યું, પૂછપરછ દરમિયાન, માતાએ કહ્યું કે તેનો બોયફ્રેન્ડ તેની 13 વર્ષની પુત્રી સાથે વારંવાર વાત કરતો હતો અને તેને ડર હતો કે તેઓ નજીક આવી રહ્યા છે. તેણે તેની પુત્રીને તેના પ્રેમીથી દૂર રહેવાની ચેતવણી આપી, પરંતુ યુવતીએ તેની વાત ન માની અને તેની સાથે વાત કરતી રહેતી હતી.

આ બાબતે છેલ્લા અઢી મહિનાથી માતા-પુત્રી વચ્ચે ઝઘડો ચાલતો હતો. પોલીસે કહ્યું કે, ‘મંગળવારે તેમની વચ્ચે ફરી ઝઘડો થયો હતો. ત્યારબાદ બાદ માતાનો ગુસ્સો કંટ્રોલ રહ્યો ન હતો. અને તેને તેની દીકરી પર 20 વાર છરી વડે હુમલો કર્યો પરંતુ એક પણ ઘા ઊંડો વાગ્યો ન હોતો. તેણે તેની પુત્રીને ગરદન અને શરીરના અન્ય ભાગો પર ઘા માર્યા હતા, જેના કારણે તેણી લોહીલુહાણ થઈ ગઈ હતી. થોડા સમય પછી જ્યારે તેનો ગુસ્સો શમી ગયો તો તેણે પોલીસ કંટ્રોલ રૂમને ફોન કરી દીધો હતો. ત્યારબાદ મહિલાએ પોલીસને સમગ્ર હકીકત જણાવી દીધી હતી.

મહિલાએ પોલીસને જણાવ્યું કે તેણે તેની પુત્રીની હત્યા તેને જ કરી છે. જે બાદ પોલીસ તરત જ તેના ઘરે પહોંચી હતી. પોલીસે ત્યાં છોકરીને જોઈ જે જીવિત હતી અને તેને હોસ્પિટલમાં દાખલ કરી. આ કેસની તપાસ કરી રહેલા સમા પોલીસ ઇન્સ્પેક્ટર ભાવના પટેલે જણાવ્યું હતું કે, યુવતીની હાલત સ્થિર છે પરંતુ તેની ગરદન પર ઘા હોવાને કારણે તે બોલી શકતી નથી. એકવાર તે સ્વસ્થ થઈ જશે, ત્યારબાદ અમે તેનું નિવેદન લઈશું.

પોલીસે જણાવ્યું કે તેઓએ આરોપી મહિલાનું કાઉન્સિલિંગ કરવાનો પણ પ્રયાસ કર્યો, જેની માનસિક સ્થિતિ સારી નથી. પોલીસે જણાવ્યું કે, મહિલાના બે વખત છૂટાછેડા થઈ ચૂક્યા છે અને તે પોતાની દીકરીનો ઉછેર એકલી કરી રહી છે. તેમણે કહ્યું કે તેઓએ હજુ સુધી તેમની સામે ફરિયાદ નોંધાવી નથી.