માધબી પુરી બુચ બન્યા SEBI ના પહેલા મહિલા અધ્યક્ષ, ત્રણ વર્ષ માટે મળી જવાબદારી

બજાર નિયામક સેબી સાથે જોડાયેલા એક મોટા સમાચાર સામે આવી રહ્યા છે. દેશની સૌથી મોટી વીમા કંપની LICના IPO પહેલા SEBIમાં મોટો ફેરફાર થયો છે. આ અંતર્ગત SEBI એ તેના નવા ચેરમેનની જાહેરાત કરી છે. SEBI એ આ જવાબદારી એક મહિલાને આપી છે. અજય ત્યાગીના સ્થાને માધબી પુરી બુચને SEBIના નવા અધ્યક્ષ તરીકે નિયુક્ત કરવામાં આવ્યા છે. આ પહેલીવાર હશે જ્યારે કોઈ મહિલાને સેબીના ચેરપર્સન તરીકે જવાબદારી સોંપવામાં આવી છે. જણાવી દઈએ કે આ પદ માટે વરિષ્ઠ નોકરિયાતો અને SEBI ના પૂર્વ સભ્યોએ ચેરમેન પદ માટે અરજી કરી હતી. ઓક્ટોબર 2021 માં, નાણા મંત્રાલયે SEBI અધ્યક્ષના પદ માટે લાયક ઉમેદવારો પાસેથી અરજીઓ આમંત્રિત કરી હતી. અરજી કરવાની છેલ્લી તારીખ 6 ડિસેમ્બર, 2021 હતી.

ત્રણ વર્ષ માટે મળી જવાબદારી

માધબી પુરી બુચને ત્રણ વર્ષ માટે સેબીના અધ્યક્ષ તરીકેની જવાબદારી સોંપવામાં આવી છે. બૂચ સેબીના ભૂતપૂર્વ સંપૂર્ણ સમયના સભ્ય છે. આ સમયગાળા દરમિયાન માધાબી અજય ત્યાગીનું સ્થાન લેશે. જણાવી દઈએ કે અજય ત્યાગીનો કાર્યકાળ પાંચ વર્ષનો હતો, જે ફેબ્રુઆરી 2022માં પૂરો થાય છે.

વાસ્તવમાં માધબી પુરી બુચ સેબીના વડા બનનાર પ્રથમ મહિલા બની ગઈ છે. બજાર નિયામક પાસે પૂર્ણ-સમય સભ્ય બનનાર તે પ્રથમ મહિલા છે, જેને માર્ચ 2017માં પદ સાંભળ્યું હતું.

કોણ છે માધાબી

માધબી પુરી બુચની કારકિર્દી વિશે વાત કરીએ તો, તેણીએ તેની કારકિર્દીની શરૂઆત ICICI બેંકથી કરી હતી. ફેબ્રુઆરી 2009માં, તે બેંકના મેનેજિંગ ડિરેક્ટર અને ચીફ એક્ઝિક્યુટિવ ઓફિસર બન્યા. આ પછી, વર્ષ 2011 માં, તે સિંગાપોરની ગ્રેટર પેસિફિક કેપિટલમાં જોડાઈ હતી. SEBI માં જોડાતા પહેલા માધાબી શાંઘાઈમાં ન્યુ ડેવલપમેન્ટ બેંકમાં કામ કરતી હતી.

જણાવી દઈએ કે શેરબજાર આતુરતાથી રાહ જોઈ રહ્યું હતું કે શું SEBI ને નવો ચેરમેન મળશે કે પછી વર્તમાન ચેરમેન અજય ત્યાગીને જ એક્સટેન્શન મળશે. હવે દરેકને જવાબ મળી ગયો છે.

બીજી તરફ સેબીના ભૂતપૂર્વ વડા અજય ત્યાગી હિમાચલ પ્રદેશ કેડરના 1984 બેચના વહીવટી સેવા અધિકારી છે. સેબીના ચેરમેન તરીકે તેમની નિમણૂક 1 માર્ચ, 2017ના રોજ કરવામાં આવી હતી. આ નિમણૂક ત્રણ વર્ષ માટે કરવામાં આવી હતી અને તેને ઓગસ્ટ, 2020માં છ મહિના અને પછી 18 મહિનાનું એક્સટેન્શન આપવામાં આવ્યું હતું.