જાણો લાખોમાં કમાણી કરનાર ટીવી અભિનેત્રીઓની પહેલી સેલરી કેટલી હતી? જાણીને લાગશે નવાઈ…

ગ્લેમર અને લોકપ્રિયતાના મામલે ટીવી અભિનેત્રીઓ બોલિવૂડની અભિનેત્રીઓથી ઓછી નથી. ટીવી ઇન્ડસ્ટ્રીમાં ઘણી એવી અભિનેત્રીઓ છે, જે લાખો ફી વસૂલતી હોય છે. તેઓ પ્રત્યેક એપિસોડ દીઠ 90 હજારથી થી અઢી લાખ રૂપિયા ચાર્જ કરે છે, જેના લીધે તેઓ મહિનાના અંતે મોટી કમાણી કરે છે. પરંતુ આજે આપણે આ અભિનેત્રીઓના પહેલા પગાર વિશે વાત કરીશું. દરેક વ્યક્તિના જીવનમાં પહેલો પગાર ખૂબ મહત્વનો હોય છે, અને સૌથી યાદગાર પણ માનવામાં આવે છે. આવી સ્થિતિમાં આજે અમે તમને આ અભિનેત્રીઓના પહેલા પગાર વિશે તમને જણાવવા જઈ રહ્યા છીએ.

દિવ્યાંકા ત્રિપાઠી

સીરિયલ ‘યે હૈ મોહબ્બતેં’ માં ઇશિતા બનીને દરેકના દિલ પર રાજ કરનાર દિવ્યાંકા ત્રિપાઠીએ ‘બનું મેં તેરી દુલ્હન’ સિરિયલથી છાપ ઉભી કરી હતી. દિવ્યંકા ઉદ્યોગની સૌથી લોકપ્રિય અભિનેત્રી છે. તમને જાણીને આશ્ચર્ય થશે કે દિવ્યાંકાની પહેલી આવક માત્ર 250 રૂપિયા હતી, જે તેને ઓલ ઇન્ડિયા રેડિયો પર એક કાર્યક્રમ કરવાના બદલામાં મળી હતી. જ્યારે આજે દિવ્યાંકા એક એપિસોડ માટે 1 લાખથી વધુ ફી ચાર્જ કરે છે.

હિના ખાન

હિના ખાન સફળતાની ટોચ પર છે. હિના ઈન્ડસ્ટ્રીની ટોચની અભિનેત્રી છે. તેણે પોતાની કારકિર્દીની શરૂઆત ‘યે રિશ્તા ક્યા કહલાતા હૈ’ સિરિયલથી કરી હતી. તે જ શોના કેટલાક એપિસોડ્સ શૂટ કર્યા બાદ તેને પ્રથમ પગાર રૂપે 45 હજાર રૂપિયાનો પહેલો ચેક મળ્યો હતો.

રશ્મિ દેસાઇ

સીરીયલ ઉતરન સાથે ટીવી ઉદ્યોગમાં પ્રવેશ કરનારી રશ્મિ દેસાઇ આ ઉદ્યોગની લોકપ્રિય સ્ટાર છે. સિરીયલોની દુનિયામાં આવતા પહેલા રશ્મિએ ભોજપુરી ફિલ્મો અને કમર્શિયલમાં કામ કર્યું હતું. રશ્મિની પહેલી આવક 1000 રૂપિયા હતી, જે તેને તેલની જાહેરાત કરવાને લીધે મળી હતી.

પૂજા ગૌર

પૂજા ગૌર ‘મન કી અવાજ પ્રતિજ્ઞા’ સિરીયલથી દરેક ઘરમાં લોકપ્રિય થઈ હતી. પૂજા અલ્ટ બાલાજીની વેબ સિરીઝ સ્ટેટ વર્સસ નાણાવટીમાં વિદ્યા જોશીની ભૂમિકામાં જોવા મળી હતી. તમને જણાવી દઈએ કે પૂજાની પહેલી આવક માત્ર 500 રૂપિયાની હતી, જે તે લગ્ન સમારોહમાં મહેંદી લગાવ્યા પછી મળી હતી. જોકે આજે તેણીની તેના 500 રૂપિયાની કમાણી પર ગર્વ છે.

આશા નેગી

સિરિયલ ‘પવિત્ર રિશ્તા’માં ભૂમિકા મેળવી એ આશા નેગીનું સ્વપ્ન સાકાર થવા જેવું હતું. જોકે આશા હવે વેબ સિરીઝમાં પણ કામ કરી રહી છે અને ઘણી સારી કમાણી પણ કરી રહી છે. પરંતુ આશાને તેની પહેલી આવક હજુ પણ યાદ છે. તેણીની પહેલી આવક 3,500 રૂપિયા હતી. આશા દહેરાદૂનમાં એક બીપીઓમાં કામ કરતી હતી, જ્યાં તેને મહિને 3500 રૂપિયા પગાર મળતો હતો.

શ્રાદ્ધ આર્ય

અભિનેત્રી શ્રદ્ધા આર્ય ટીવીના નંબર વન શો ‘કુંડળી ભાગ્ય’માં મુખ્ય ભૂમિકામાં જોવા મળી હતી. કુંડળી ભાગ્યની સફળતા પછી, શ્રદ્ધા આર્ય ખૂબ પ્રખ્યાત થઈ છે. તમને જણાવી દઈએ કે શ્રદ્ધાનો પહેલો પગાર 10 હજાર રૂપિયા હતો. શ્રદ્ધાએ ડિટરજન્ટ પાવડરની જાહેરાતમાં કામ કર્યું હતું, ત્યારબાદ તેને પગાર રૂપે 10 ​​હજારનો ચેક મળ્યો હતો.

ટીના દત્તા

બંગાળી બ્યુટી ટીના દત્તા પણ ટીવીનો જાણીતો ચહેરો છે. ટીના ટૂંક સમયમાં ઝી 5 ની નવી વેબસીરીઝમાં પણ જોવા મળશે. ટીનાએ પોતાની અભિનય કારકિર્દીની શરૂઆત પ્લે શોથી કરી હતી. પહેલા નાટકમાં કામ કર્યા પછી તેને 500 રૂપિયા ફી મળી હતી.

નેહા મર્દા

સીરીયલ ‘બાલિકા વધુ’ માં નામ કમાવ્યા પછી નેહા મર્દાને નામ અને ખ્યાતિ મેળવી છે. જે બાદ નેહાએ સીરીયલ ‘ડોલી અરમાન કી’ માં મુખ્ય ભૂમિકા નિભાવી હતી. નેહાની કારકિર્દીની શરૂઆત 2005 માં ‘સાથ રહેગા હંમેશાં’ સિરિયલથી થઈ હતી, જ્યારે નેહાને શોમાં કામ કરવા માટે 1,35,000 રૂપિયાનો પહેલો ચેક મળ્યો હતો.