IPL 2022 : કોલકાતા નાઈટ રાઈડર્સની સાથે જોડાયો આ શાનદાર બેટ્સમેન, છેલ્લા રેકોર્ડ ઘણા શાનદાર

કોલકાતા નાઈટ રાઈડર્સ (KKR) એ IPL 2022 માટે ઈંગ્લેન્ડના બેટ્સમેન એલેક્સ હેલ્સની જગ્યાએ ઓસ્ટ્રેલિયાના શાનદાર બેટ્સમેન એરોન ફિન્ચને પોતાની ટીમમાં સામેલ કરવાની જાહેરાત કરી દીધી છે. એલેક્સ હેલ્સે તાજેતરમાં જ બાયો બબલના થાકના કારણે આઈપીએલમાંથી ખસી જવાનો નિર્ણય લીધો હતો. ત્યાર બાદ ટીમે ફિન્ચને રિપ્લેસમેન્ટ તરીકે સામેલ કર્યા છે. એરોન ફિન્ચના આવવાથી ટીમની બેટિંગ મજબૂત થશે. તે આઈપીએલની ઘણી સીઝનમાં પોતાની શાનદાર બેટિંગથી તહલકો મચાવી ચુક્યા છે.

એરોન ફિન્ચની કેપ્ટનશીપમાં ઓસ્ટ્રેલિયાએ ગયા વર્ષે UAE માં રમાયેલ ICC T20 વર્લ્ડ કપ જીત્યો હતો. એરોન ફિન્ચે અત્યાર સુધીમાં 88 T20 આંતરરાષ્ટ્રીય મેચ રમી ચુક્યા છે, જેમાં તેમને 2 સદી અને 15 અડધી સદીની મદદથી 2686 રન બનાવ્યા છે. એરોન ફિન્ચે 87 IPL મેચ રમી છે અને 2000 થી વધુ રન બનાવ્યા છે. તે રૂ. 1.5 કરોડના ખર્ચે KKR સાથે જોડાશે.

KKR બે વખત IPL ની ચેમ્પિયન બની ચુકી છે અને 26 માર્ચની IPL 2022 માં પ્રથમ મેચ ચેન્નાઈ સુપર કિંગ્સ અને KKR વચ્ચે રમાશે. આ મેચ મુંબઈના વાનખેડે સ્ટેડિયમમાં રમાશે. આ વખતે આઈપીએલમાં કુલ 10 ટીમો ભાગ લેશે. આ વખતે ટૂર્નામેન્ટમાં લખનૌ અને અમદાવાદની ટીમો સામેલ થશે, જેના કારણે આ ટૂર્નામેન્ટ ખૂબ જ રસપ્રદ બનવાની આશા છે.