ફિલિસ્તાનમાં ભારતીય રાજદૂત મુકુલ આર્ય દૂતાવાસની અંદર મૃત હાલતમાં મળી આવ્યા, વિદેશ મંત્રી જયશંકરે દુઃખ વ્યક્ત કર્યું

ભારત માટે ફિલિસ્તાનથી ખૂબ જ દુઃખદ સમાચાર આવી રહ્યા છે. વિદેશ મંત્રાલયના જણાવ્યા અનુસાર, ફિલિસ્તાનમાં ભારતના રાજદૂતનું અવસાન થયું હોવાની માહિતી આપવામાં આવી છે. આ અંગે માહિતી આપતા વિદેશ મંત્રાલયે જણાવ્યું છે કે, ફિલિસ્તાનમાં ભારતના રાજદૂત મુકુલ આર્ય તેમના દૂતાવાસમાં મૃત હાલતમાં મળી આવ્યા છે. ભારતના વિદેશ મંત્રીએ તેના પર દુઃખ વ્યક્ત કર્યું છે.

ભારતના વિદેશ મંત્રી ડો. એસ. જયશંકરે ટ્વીટ કરીને ફિલિસ્તાનમાં ભારતના રાજદૂત મુકુલ આર્યના નિધન પર શોક વ્યક્ત કર્યો છે. તેમણે ટ્વીટ કરી જણાવ્યું છે કે, “ફિલિસ્તાનના રામલ્લાહમાં ભારતના પ્રતિનિધિ શ્રી મુકુલ આર્યના નિધન વિશે જાણીને ઊંડો આઘાત લાગ્યો છે. તે તેજસ્વી અને પ્રતિભાશાળી અધિકારી હતા, તેની સામે ઘણું બધું હતું. હું તેમના પરિવાર અને પ્રિયજનો પ્રત્યે હૃદયપૂર્વક સંવેદના વ્યક્ત કરું છું. ઓમ શાંતિ.’

ફિલિસ્તાનના વિદેશ મંત્રાલયે એક પ્રેસ રિલીઝ જાહેર કરીને જાણકારી આપી છે કે, ફિલિસ્તાન રાજ્યમાં ભારતના પ્રજાસત્તાકના રાજદૂત મુકુલ આર્યનું નિધન થઈ ગયું છે. જેમાં ફિલિસ્તાનના વિદેશ મંત્રાલયે રાજદૂત મુકુલ આર્યના નિધન પર ભારે દુઃખ વ્યક્ત કર્યું છે. તેમનું કહેવું છે કે, તેઓ ભારતીય વિદેશ મંત્રાલય સાથે સત્તાવાર સંપર્ક કરી રહ્યા છે જેથી કરીને મૃતક રાજદૂતના મૃતદેહને તેમના દેશમાં લઈ જવાની વ્યવસ્થા કરી શકાય.

આ સિવાય, રાષ્ટ્રપતિ મહમૂદ અબ્બાસ અને વડા પ્રધાન મુહમ્મદ શતયેહે આરોગ્ય અને ફોરેન્સિક દવા મંત્રાલય સિવાય તમામ સુરક્ષા, પોલીસ અને જાહેર અધિકારીઓને તાત્કાલિક રામલ્લામાં ભારતીય રાજદૂતના નિવાસસ્થાને જવા માટે તાત્કાલિક સૂચનાઓ આપ્યા છે. સૂચનાઓમાં મુકુલ આર્યને મૃત્યુ વિશે માહિતી એકત્ર કરવા માટે કહેવામાં આવ્યું છે.