![Goa Chunav 2022: રાહુલ ગાંધીનો દાવો - કોંગ્રેસને આ વખતે ગોવામાં મળશે નક્કર બહુમતી, બનાવશે સરકાર](https://mediaassets-in.blr1.cdn.digitaloceanspaces.com/gujaratcoverage/2022/02/4ots5uu8_rahul-gandhi-pti-_625x300_17_May_19.jpg)
ગોવા ચૂંટણી 2022 (Goa Elections 2022) કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધીએ આજે ગોવામાં એક પ્રેસ કોન્ફરન્સ દરમિયાન દાવો કર્યો હતો કે આ વખતે ગોવામાં કોંગ્રેસને નક્કર બહુમતી મળશે અને અમે સરકાર બનાવીશું. રાહુલ ગાંધીએ કહ્યું કે સત્તામાં આવ્યા બાદ અમે ગોવામાં સ્થાપી અને કાયદાકીય રીતે ખાણકામને પુનઃસ્થાપિત કરવાની યોજના બનાવી રહ્યા છીએ.
ભાજપે ગોવામાં ચોરી લીધો હતો જનાદેશ
કોંગ્રેસ નેતા રાહુલ ગાંધીએ કહ્યું કે આ વખતે અમને નક્કર બહુમતી મળશે અને અમે આ સુનિશ્ચિત કરવા માટે તાત્કાલિક પગલાં લઈશું કે હમારી ગોવામાં સરકાર બને. તેમણે કહ્યું કે ભારતીય જનતા પાર્ટી (BJP)ને ગોવામાં જે જનાદેશ મળ્યો હતો તે તેમણે ચોરી લીધો હતો. તે ગોવાનો જનાદેશ ન હતો. તેમણે કહ્યું કે 5 વર્ષ પહેલા ગોવાએ કહ્યું હતું કે તે કોંગ્રેસની સરકાર ઈચ્છે છે. પરંતુ, ભાજપે ભ્રષ્ટાચાર કરીને જે ગોવાનો જનાદેશ હતો તેને ચોરી કર્યો.
#GoaElections2022 | "This time we will get a solid majority, and we will act immediately to make sure that we have a government in Goa," says Congress leader Rahul Gandhi pic.twitter.com/0LEmys2JJJ
— ANI (@ANI) February 11, 2022
રોજગારી છે ગોવા સામે ખરો મુદ્દો
મડગામમાં કોંગ્રેસના નેતા રાહુલ ગાંધીએ વધુમાં કહ્યું કે વડા પ્રધાન નરેન્દ્ર મોદી (PM Narendra Modi) ગોવા એટલા માટે આવ્યા કારણ કે તેઓ ગોવાને વાસ્તવિક મુદ્દાઓથી ભટકાવવા માંગે છે. જે ખરો મુદ્દો ગોવા સામે છે તે રોજગાર અને તે કેવી રીતે પેદા થશે.
હિજાબ મુદ્દે કહ્યું…
હિજાબ મુદ્દે રાહુલ ગાંધીએ કહ્યું કે હું એવી વાતચીતમાં જવા નથી માંગતો, જેનાથી લોકોનું ધ્યાન ભટકાય. મારું ધ્યાન તેમના માટે શું મહત્વનું છે તેના પર છે. રાહુલ ગાંધીએ પીએમ મોદીની ટિપ્પણી પર પણ નિવેદન આપ્યું હતું જેમાં તેમણે કહ્યું હતું કે ગોવાને પોર્ટુગીઝથી મુક્ત કરવામાં કોંગ્રેસ સરકારને 15 વર્ષ લાગી ગયા. તેના પર રાહુલે કહ્યું કે તે તેને સમયના ઈતિહાસને સમજતા નથી.