જે કોઈ ના કરી શક્યું તે આઈપીએલમાં ડેનિયલ સેમ્સે કરી દેખાડ્યું, ચાર ઓવરના સ્પેલમાં આપી દીધા અઢળક રન
IPL ની 15 મી સીઝનની બીજી મેચમાં મુંબઈના બ્રેબોર્ન સ્ટેડિયમમાં પાંચ વખતની ચેમ્પિયન મુંબઈ ઇન્ડિયન્સને દિલ્હી કેપિટલ્સ સામે હારનો સામનો કરવો પડ્યો છે. મુંબઇ ઇન્ડિયન્સ આ મેચમાં એક સમય તરફ આગળ વધી રહી હતી. પરંતુ ત્યારે દિલ્હી કેપિટલ્સે લલિત યાદવ અને અક્ષર પટેલની વિસ્ફોટક ઇનિંગ્સના આધારે ચાર વિકેટથી મેચ પોતાના નામે કરી લીધી હતી.
મુંબઇ ઇન્ડિયન્સે ટોસ પ્રથમ બેટિંગ કરી અને 5 વિકેટમાં 177 રનનો વિશાળ સ્કોર બનાવ્યો હતો જે દિલ્હી કેપિટલ્સ દ્વારા 18.2 ઓવરમાં છ વિકેટ ગુમાવી પ્રાપ્ત કરી લેવામાં આવ્યો હતો. મુંબઈની હાર માટેનું કારણ તેમની બોલિંગ જ રહી હતી. મુંબઇના બોલરોએ છેલ્લી ઓવરમાં ખૂબ રન આપ્યા હતા. જેમાં ફાસ્ટ બોલર ડેનિયલ સેમ્સ (Daniel Sams) સૌથી આગળ રહ્યા હતા.
ડેનિયલ સેમ્સે 4 ઓવરના પોતાના સ્પેલમાં 57 રન આપ્યા હતા. મેચ દરમિયાન, મુંબઇના બોલરોની ખૂબ ધોલાઈ કરતા દિલ્હીના બેટ્સમેન અક્ષર પટેલ અને લલિત યાદવે છેલ્લી 5 ઓવરમાં 75 રન કરી નાખ્યા હતા. તેની સાથે મુંબઈને જીતથી રોક લીધું હતું. ડેનિયલ સેમ્સ તેની સાથે આઇપીએલમાં અણધાર્યો રેકોર્ડ પોતાના નામે કરી લીધો હતો.
ડેનિયલ સેમ્સે આઈપીએલ ઇતિહાસમાં કોઈ એક મેચમાં સૌથી વધુ રન આપનાર મુંબઈ ઇન્ડિયન્સના બીજા સૌથી ખર્ચાળ બોલર બની ગયા છે. ભૂતપૂર્વ ઝડપી બોલર લસિથ મલિંગા અત્યાર સુધી આ યાદીમાં ટોપ પર છે. લસિથ મલિંગાએ 58 રન આપ્યા હતા. લસિથ મલિંગા હજુ પણ આઈપીએલ ઇતિહાસમાં મુંબઈ ઇન્ડિયન્સના સૌથી ખર્ચાળ બોલર છે.
