મગજને તેજ બનાવવાથી લઈને એનર્જી વધારશે અખરોટનો હલવો, આ રીતે ઘરે જ બનાવો

હેલ્ધી ફેટ્સ, ફાઈબર, વિટામિન્સ અને મિનરલ્સથી ભરપૂર અખરોટ માત્ર મગજના સ્વાસ્થ્ય અને યાદશક્તિ માટે જ ફાયદાકારક નથી, પરંતુ તમારા એકંદર સ્વાસ્થ્ય માટે પણ શ્રેષ્ઠ માનવામાં આવે છે. અખરોટમાં પ્રોટીન, કેલ્શિયમ, મેગ્નેશિયમ, આયર્ન, ફોસ્ફરસ, કોપર, સેલેનિયમ, ઓમેગા-3 ફેટી એસિડ જેવા ઘણા પોષક તત્વો હોય છે. જાણો ઘરે ટેસ્ટી અખરોટનો હલવો કેવી રીતે બનાવવો.

અખરોટનો હલવો બનાવવા માટેની જરૂરી સામગ્રી:

અખરોટના દાણાનો બાઉલ
4 ચમચી દેશી ઘી
મધુરમ અથવા સ્વાદ મુજબ મધ
થોડી એલચી પાવડર
અડધી વાટકી માવો

અખરોટનો હલવો બનાવવા રીત:

સૌપ્રથમ અખરોટને બારીક પીસી લો. ત્યાર બાદ તેને થોડી વાર પાણીમાં પલાળી રાખો. ત્યાર બાદ તેને પાણીમાંથી બહાર કાઢી લો. હવે એક કડાઈમાં ઘી નાખીને ગરમ કરો. જ્યારે તે ગરમ થઈ જાય, ત્યારે તેમાં અખરોટ ઉમેરો અને તેને ધીમી આંચ પર ફ્રાય કરો. ત્યાર બાદ તેમાં માવો ઉમેરો અને ઘી છોડે ત્યાં સુધી શેકો. આ પછી તેમાં એલચી પાવડર અને મધ ઉમેરો અને ધીમી આંચ પર રાંધતા રહો. જો તમે ઇચ્છો તો, તમે કેટલાક કાજુ, બદામ વગેરે પણ ઉમેરી શકો છો. સહેજ ઘટ્ટ થાય એટલે ગેસ બંધ કરી દો. તૈયાર છે તમારો ટેસ્ટી અને હેલ્ધી અખરોટનો હલવો.