જીમમાં ગયો હતો આ વ્યક્તિ… પણ અદ્રશ્ય શક્તિઓએ તેને પછાડ્યોઃ જૂઓ વિડીયો

સોશિયલ મીડિયા પર એક ખોફનાક વિડીયો અત્યારે ખૂબ જ વાયરલ થયો છે આ વિડીયોમાં એક વ્યક્તિને કોઈ રહસ્યમયી શક્તિ દ્વારા ઘસડવામાં આવી રહ્યો હોય તેવું દેખાઈ રહ્યું છે. આ ઘટનાને એક ટિકટોક વિડીયોમાં રેકોર્ડ કરવામાં આવી હતી. વિડીયોમાં દર્શાવવામાં આવ્યું છે કે, માણસને જીમના ફ્લોર પર ઘસેડવામાં આવ્યો અને કેટલાક લોકો માને છે કે આ ભૂત છે.

વિડીયોની શરૂઆત અજ્ઞાત વ્યક્તિ પોતાના જીમ સેશનની તૈયારી સાથે થાય છે કારણ કે તે સ્ટ્રેચિંગ અભ્યાસ શરૂ કરે છે. ખાસ વાત એ છે કે તે જીમમાં ખૂબ જ એકલો હોય છે. અચાનક જ TRX સસ્પેન્શન પોતાની જાતે જ આગળ-પાછળ થવા લાગે છે જ્યારે માણસ આ મામલે સંપૂર્ણ રીતે અજાણ હોય છે. બાદમાં ભારે મેડિસિન બોલ તેની બાજુ આવે છે. આ જોઈને તે ગભરાઈ જાય છે અને તુરંત જ ત્યાંથી ભાગવાનો પ્રયત્ન કરે છે.

આ વ્યક્તિ જેવો જ પોતાનો સામાન લઈને દરવાજા તરફ ભાગે છે કે તરત જ જમીન પર પડી જાય છે. સૌથી ડરામણી વાત તો ત્યારે થાય છે કે જ્યારે તેને એક રહસ્યમયી શક્તિ દ્વારા ફ્લોર પર ઘસેડવામાં આવે છે. પોતાના શરીર પર કંટ્રોલ કર્યા બાદ તે બહાર નિકળવા માટે દોડે છે અને પોતાનો સામાન પાછળ છોડી દે છે.