ઓસ્ટ્રેલિયામાં રમાવનાર T20 વર્લ્ડ કપ બાદ ટીમ ઇન્ડિયા ન્યુઝીલેન્ડનો પ્રવાસ કરશે. ટીમ ઈન્ડિયા ન્યૂઝીલેન્ડ પ્રવાસ પર ત્રણ ટી-20 અને ત્રણ વન-ડે મેચોની સીરીઝ રમશે. T20 અને ODI સીરીઝ 18 થી 30 નવેમ્બર દરમિયાન યોજાશે. આ સાથે જ આવતા વર્ષે ન્યૂઝીલેન્ડની ટીમ મર્યાદિત ઓવરોની સીરીઝ માટે ભારતના પ્રવાસે આવશે. ન્યુઝીલેન્ડ ક્રિકેટ દ્વારા આ જાણકારી આપવામાં આવી છે.
ન્યૂઝીલેન્ડ ક્રિકેટે એક નિવેદન આપતા જણાવ્યું છે કે, “ભારત વર્લ્ડ કપ સમાપ્ત થયા બાદ ન્યૂઝીલેન્ડ સામે વેલિંગ્ટન, તૌરંગા અને નેપિયરમાં ત્રણ T20 અને ઓકલેન્ડમાં ત્રણ વન-ડે ઈન્ટરનેશનલ રમવા માટે ન્યૂઝીલેન્ડ આવશે.”
ન્યુઝીલેન્ડ ક્રિકેટે વધુમાં જણાવ્યું છે કે, “બ્લેકકેપ્સ ત્યાર બાદ પાકિસ્તાનના પ્રવાસ અને ભારતમાં મર્યાદિત ઓવરો માટે ઉપખંડના પ્રવાસ પર જશે અને ત્યારબાદ ટીમ ફેબ્રુઆરીની શરૂઆતમાં સ્વદેશ પરત ફરશે અને તૌરંગામાં (દિવસ/રાત્રિ), વેલિંગ્ટનમાં ઇંગ્લેન્ડ સામે બે ટેસ્ટની તૈયારી કરશે.”
ભારત શુક્રવારથી ઇંગ્લેન્ડ સામે પાંચમી ટેસ્ટ રમશે જે ગયા વર્ષે યોજાનારી પાંચ મેચની ટેસ્ટ સીરીઝની બાકીની રહેલી છે. ત્યાર બાદ બંને ટીમો વચ્ચે ત્રણ ટી-20 અને આટલી જ વન-ડે આંતરરાષ્ટ્રીય મેચની સીરીઝ પણ રમાશે.
ભારતીય ટીમ ત્યાર બાદ ત્રણ વનડે અને આંતરરાષ્ટ્રીય અને પાંચ ટી-20 આંતરરાષ્ટ્રીયની શ્રેણી માટે જુલાઈ-ઓગસ્ટમાં વેસ્ટ ઇન્ડીઝના પ્રવાસે જશે, જે ટી-20 વર્લ્ડ કપ પહેલા યોજાશે.
વ્યસ્ત આંતરરાષ્ટ્રીય શેડ્યૂલ વચ્ચે ન્યુઝીલેન્ડની ટીમ ઈંગ્લેન્ડ સામે ડે-નાઈટ ટેસ્ટ પણ રમશે, જ્યારે છ ટીમો 2022-23 ના ઘરેલું સ્તરમાં છ ટીમ દેશનો પ્રવાસ કરશે. ભારત સિવાય પાકિસ્તાન, બાંગ્લાદેશ, ઈંગ્લેન્ડ અને શ્રીલંકાની પુરુષ ટીમ અને બાંગ્લાદેશની મહિલા ટીમ ન્યુઝીલેન્ડના પ્રવાસે આવશે.
