પૂણે: મુંબઈ-પૂણે એક્સપ્રેસ વે પર એક જોરદાર અકસ્માતની ઘટના સામે આવી છે. આ ભયંકર અકસ્માત માં પતિ, પત્નિ અને ચાર વર્ષ નાં દિકરા નું મોત થઈ ગયું છે. આ તમામ લોકો કાર માં સવાર હતાં. આ ઘટના નો કાળજુ કંપાવી દેતો વીડિયો પણ સામે આવ્યો છે. વીડિયો માં જોઈ શકાય છે કે, એક કન્ટેનર બેકાબૂ બની જઈ અને પહેલા કાર સાથે ટકરાય છે અને બાદ માં આગળ જઈ રહેલા એક ટ્રક સાથે ધડાકાભેર ટકરાય છે. આ દુર્ઘટના નાં કારણે એક્સપ્રેસ વે પર લગભગ બે કલાક સુધી ટ્રાફિક જામ રહ્યો.
આ દુર્ઘટના ખોપોલી એક્ઝિટ અને ફૂડ મોલ ની વચ્ચેની છે. જો કે, દુર્ઘટના ગુરૂવાર ની છે પણ આ અકસ્માત નો વીડિયો હવે સામે આવ્યો છે. પોલીસ નાં જણાવ્યા મુજબ, સૂચના મળતાં જ તેમની ટીમ ઘટના સ્થળે પહોંચી. બાદ માં કાર માં લાગેલી આગ ને બુઝાવી.
Major accident took place at Mumbai Pune express way four died pic.twitter.com/Ed4H4tWZN4
— kishan kuliyal (@KishanlalK) July 3, 2021
લગભગ બે કલાક ની ભારે જહેમત બાદ કારની બોડીને કટર થી કાપવામાં આવી. એ પછી કાર માંથી જૈકવીન ચૌટિયાર, પત્ની લુઈસા ચૌટિયાર અને દિકરા ડેરિયલ ચૌટિયાર નાં મૃતદેહ બહાર કાઢવા માં આવ્યાં. આ ત્રણેય પૂણે થી મુંબઈ નાં નાયગાંવ જઈ રહ્યાં હતા.
બ્રેક ફેઈલ થતાં સર્જાઈ દુર્ઘટના:
આ દુર્ઘટના માં કન્ટેનર ચાલક ને પણ ગંભીર રીતે ઈજા પહોંચી છે. જો કે, ગંભીર ઈજાઓ થતા તેને સારવાર માટે ખંડાલા ની એક પ્રાઈવેટ હોસ્પિટલ માં ભરતી કરવામાં આવ્યો છે. પોલીસ તપાસ માં સામે આવ્યું કે, આ દુર્ઘટના કન્ટેનર ની બ્રેક ફેઈલ થઈ જતાં સર્જાઈ હતી. આ દુર્ઘટના એક ટ્રક માં લગાવવા માં આવેલા સાઈડ કેમેરા માં કેદ થઈ હતી.
