ચાર વર્ષની બાળકીએ આઠ મહિનાના ભાઈને પાણી સમજાવી પીવડાવ્યું ડીઝલ અને પછી…

આજે એક વિચિત્ર ઘટના સામે આવી છે. નોઈડામાં ડીઝલ પીવાથી 8 મહિનાના બાળકનું મોત થઈ ગયું હોવાનું સામે આવ્યું છે. 4 વર્ષની બાળકીએ ભૂલથી તેના નાના ભાઈને પાણીને બદલે ડીઝલ આપી દીધું, જે બોટલમાં રાખવામાં આવ્યું હતું. આ અકસ્માત નોઈડાના છીજારસીમાં થયો હતો. ડીઝલ પીધા બાદ થોડી જ વારમાં બાળકનું હોસ્પિટલમાં મોત થયું હતું.

લવ કુશ તેના પરિવાર સાથે પોલીસ સ્ટેશન સેક્ટર-63 વિસ્તારની છીઝરસી કોલોનીમાં રહે છે. બુધવારે તેણે પોતાના ઘરે બોટલમાં ડીઝલ ભર્યું હતું. રાત્રીના સમયે તેમની 4 વર્ષની પુત્રીએ પાણી સમજીને ડીઝલને પોતાના 8 મહિનાના ભાઈ કૃષ્ણાન પીવડાવી દીધો હતો.

થોડા સમય બાદ બાળકની તબિયત બગડવા લાગી તો પરિવારજનોને ખબર પડી હતી. તેઓ તરત જ તેને હોસ્પિટલ લઈ ગયા હતા. પરિવાર બાળકને સારવાર માટે સેક્ટર-3 સ્થિત ચાઈલ્ડ પીજીઆઈમાં લઈ ગયા હતા. અહીં તેમનું મૃત્યુ થયું હતું. માહિતી મળ્યા બાદ પોલીસે આ મામલે તપાસ શરૂ કરી છે. આ ઘટના અંગે બાળકના પરિવારજનોની પૂછપરછ કરવામાં આવી રહી છે. પરિવારની હાલત ખરાબ છે.