![](https://mediaassets-in.blr1.cdn.digitaloceanspaces.com/gujaratcoverage/2022/07/Big-news-came-out-about-the-film-Bade-Miyan-Chote-Miyan.jpg)
ફેબ્રુઆરીમાં, અક્ષય કુમાર અને ટાઈગર શ્રોફે તેમની આગામી એક્શન ફિલ્મ ‘બડે મિયા છોટે મિયાં’ ની રિલીઝ તારીખની જાહેરાત કરવામાં આવી હતી. ત્યારથી ચાહકો આ બંનેને સાથે જોવા માટે ઉત્સુક છે. આ દરમિયાન હવે આ ફિલ્મના શૂટિંગ સાથે જોડાયેલા એક સમાચાર સામે આવ્યા છે.
અલી અબ્બાસ ઝફર દ્વારા નિર્દેશિત આગામી ફિલ્મ ‘બડે મિયાં છોટે મિયાં’ નું શૂટિંગ ક્યાં થશે તે અંગેના સમાચાર સામે આવ્યા છે. નામી ચેનલની એક રિપોર્ટ મુજબ એવું માનવામાં આવે છે કે, આ ફિલ્મનું શૂટિંગ સ્કોટલેન્ડ, austria avvai alps, સાઉદી અરબ અને લંડનમાં થઈ શકે છે. તેમ છતાં આ અંગે હજુ સુધી મેકર્સ તરફથી કોઈ સત્તાવાર નિવેદન જાહેર કરવામાં આવ્યું નથી. જ્યારે આ રિપોર્ટમાં એવું પણ કહેવામાં આવ્યું છે કે, ફિલ્મનું શૂટિંગ જાન્યુઆરી 2023 માં શરૂ થઈ શકે છે.
બોલિવૂડના બે એક્શન હીરો અક્ષય કુમાર અને ટાઈગર શ્રોફ ‘બડે મિયા છોટે મિયા’ માં એકસાથે જોવા મળવાના છે, જેના કારણે અનુમાન લગાવવામાં આવી રહ્યું છે કે, આ ફિલ્મ ઘણી સારી બનવાની છે, તે સાબિત થઈ શકે છે. તેની રિલીઝ ડેટની વાત કરીએ તો બંને કલાકારોએ તેની જાહેરાત કરી દીધી છે. તમને જણાવી દઈએ કે, આ ફિલ્મ ક્રિસમસ 2023 ના અવસર પર જોવા મળશે.
જો કે, હવે એ જોવાનું રહેશે કે, ફિલ્મના શૂટિંગ સાથે જોડાયેલા આ સમાચારને લઈને મેકર્સ તરફથી શું અપડેટ બહાર આવે છે.