‘મિશન ગુજરાત’માં લાગી આમ આદમી પાર્ટી, જાહેર કર્યા પ્રદેશ અધ્યક્ષ અને રાષ્ટ્રીય સંયુક્ત મહામંત્રી

આમ આદમી પાર્ટીએ ગુજરાતના નેતા ઇસુદાન ગઢવીને પાર્ટીના રાષ્ટ્રીય સંયુક્ત મહાસચિવ તરીકે નિયુક્ત કર્યા છે. આ સાથે જ ઈન્દ્રનીલ રાજગુરુને રાષ્ટ્રીય સંયુક્ત સચિવ તરીકે નિયુક્ત કરવામાં આવ્યા છે. આ ઉપરાંત AAPએ ગુજરાત માટે નવા હોદ્દેદારોની જાહેરાત કરી હતી. પ્રદેશ પ્રમુખ તરીકે કિશોરભાઈ દેસાઈ અને પ્રદેશ મહામંત્રી તરીકે મનોજ સોરઠીયા ને જાહેર કરવામાં આવ્યા છે.

AAP Gujarat leader Isudan Gadhvi appointed as the National Joint General Secretary of the Aam Aadmi Party; Indranil Rajguru appointed as the National Joint Secretary. pic.twitter.com/p3XYx4nDbx

— ANI (@ANI) June 12, 2022

ગુજરાત વિધાનસભાની ચૂંટણી આ વર્ષે નવેમ્બર કે ડિસેમ્બરમાં યોજાય તેવી શક્યતા છે. આમ આદમી પાર્ટી પણ આ વખતે ગુજરાતમાં વિધાનસભાની ચૂંટણી લડવાની તૈયારી કરી રહી છે. હાલમાં પંજાબ અને દિલ્હીમાં AAP સત્તા પર છે.

AAP announces new office bearers for Gujarat; appoints Kishorbhai Desai as the State President (Frontal Organisation) & Manoj Sorathiya as the State General Secretary.

— ANI (@ANI) June 12, 2022

આગામી રાજ્યની ચૂંટણીની તૈયારીમાં આમ આદમી પાર્ટીએ 8 જૂને તેના ગુજરાત એકમને વિસર્જન કર્યું હતું, જેમાં ટૂંક સમયમાં નવા રાજ્ય એકમની જાહેરાત કરવામાં આવશે. ઉલ્લેખનીય છે કે, આગામી વિધાનસભા ચૂંટણીને ધ્યાનમાં રાખીને આમ આદમી પાર્ટીએ ગુજરાતમાં તેના સંગઠનમાં ફેરબદલ કરવાનો નિર્ણય લીધો છે. પાર્ટીનો દાવો છે કે મોટી સંખ્યામાં નવા લોકો જોડાવાથી હવે સંગઠનનું પુનઃનિર્માણ થશે.

ઉત્તર ગુજરાતના મહેસાણામાં દિલ્હીના મુખ્ય પ્રધાન અને આમ આદમી પાર્ટીના રાષ્ટ્રીય કન્વીનર અરવિંદ કેજરીવાલના રોડ-શો પછી તરત જ, પાર્ટીએ ગુજરાતની રાજ્ય સંસ્થાને તોડીને સંગઠનનું પુનર્ગઠન કરવાની જાહેરાત કરી હતી. પાર્ટીએ AAPના ગુજરાત કન્વીનર ગોપાલ ઈટાલિયા સિવાયના તમામ હોદ્દેદારોને હટાવી દીધા છે. પાર્ટીના એક વરિષ્ઠ નેતાનું માનીએ તો છેલ્લા દિવસોમાં મોટી સંખ્યામાં નેતાઓ અને કાર્યકરો આમ આદમી પાર્ટીમાં જોડાયા છે. આવા સંજોગોમાં તેમને સંગઠનમાં સ્થાન આપવા અને વિધાનસભાની ચૂંટણી પહેલા મજબૂત રણનીતિ તૈયાર કરવા માટે જિલ્લા પ્રમુખમાં ફેરફાર કરવો પડશે.