વરુણ ધવન અને જાહ્નવી કપૂરની જોડી હવે આ ફિલ્મમાં જોવા મળશે, જાણો ક્યારે રિલીઝ થશે
વરુણ ધવન અને જાહ્નવી કપૂરની જોડી હવે આ ફિલ્મમાં જોવા મળશે, જાણો ક્યારે રિલીઝ થશે
બોલિવૂડ અભિનેતા વરુણ ધવન અને જ્હાનવી કપૂર પ્રથમ વખત મોટા પડદા પર ધમાલ મચાવવા માટે તૈયાર છે. વરુણ ધવને પોતાના ઈન્સ્ટાગ્રામ પર એક પોસ્ટ શેર કરી છે જેમાં તેમણે પોતાની નવી ફિલ્મની જાહેરાત કરી દીધી છે. આ ફિલ્મનું નામ ‘બવાલ’ છે જેમાં વરુણ બોલિવૂડ અભિનેત્રી જ્હાન્વી કપૂર સાથે લીડ રોલમાં જોવા મળશે. આ ફિલ્મનું નિર્દેશન રાષ્ટ્રીય પુરસ્કાર વિજેતા નિર્દેશક નિતેશ તિવારી અને સાજિદ નડિયાદવાલા કરી રહ્યા છે. પોસ્ટર શેર કરવાની સાથે વરુણે ફિલ્મની રિલીઝ ડેટ પણ જાહેર કરી દીધી છે.
પોસ્ટર શેર કરતા સમયે વરુણે જણાવ્યું છે કે, “અબ હોગા હંગામો…સાજિદ નડિયાદવાલા અને નિતેશ તિવારી સાથે મારી આગામી ફિલ્મ માટે ઉત્સાહિત છું. 7 એપ્રિલ 2023 ના રોજ થિયેટરમાં તમને મળવાની માટે રાહ જોઈ શકતો નથી. તેમ છતાં આ ફિલ્મની સ્ટોરી શું હશે તે અંગે કોઈ માહિતી સામે આવી નથી.
વર્ક ફ્રન્ટની વાત કરવામાં આવે તો વરુણ ધવન રાજ મહેતાની ફિલ્મ ‘જુગ જુગ જિયો’ માં જોવા મળશે. ફિલ્મમાં વરુણની સાથે કિયારા અડવાણી, અનિલ કપૂર અને નીતુ કપૂર પણ જોવા મળશે. આ ફિલ્મ 24 જૂન 2022 ના રોજ સિનેમાઘરોમાં રિલીઝ થશે. આ સિવાય અભિનેતા ‘ભેડિયા’ માં પણ જોવા મળશે જેમાં તેની સાથે કૃતિ સેનન હશે. જ્યારે જ્હાન્વી કપૂર ‘ગુડ લક જેરી’ અને ‘તખ્ત’ માં પણ જોવા મળશે. તખ્તમાં તેની સાથે કરીના કપૂર, વિકી કૌશલ, અનિલ કપૂર, ભૂમિ પેડનેકર, રણવીર સિંહ અને આલિયા ભટ્ટ જોવા મળશે. તેમ છતાં તખ્ત અને ગુડ લક જેરીની રિલીઝ ડેટ હજુ સુધી સામે આવી નથી.
