સિનેમા જગતમાંથી એક દુઃખદ સમાચાર સામે આવી રહ્યા છે. જાણીતા અભિનેતા અભિષેક ચેટર્જીએ માત્ર 57 વર્ષની ઉમરમાં દુનિયાને અલવિદા કહી દીધું છે. પ્રાપ્ત માહિતી મુજબ, અભિનેતાનું મૃત્યુ હાર્ટ એટેકના કારણે થયું છે. આ સમાચાર બાદ સિનેમા જગતમાં શોકનું મોંજુ છવાઈ ગયું છે. જયારે તમામ અભિનેતા સોશિયલ મીડિયા દ્વારા તેમને શ્રદ્ધાંજલિ પાઠવી રહ્યા છે.
અભિનેતાના પરિવારજનોના જણાવ્યા મુજબ, બુધવારના એક શોના શૂટિંગ દરમિયાન અભિષેક ચેટર્જી દ્વારા પેટમાં ખેંચાણની ફરિયાદ કરવામાં આવી હતી. ત્યાર બાદ તેમને ઘર પર જ સેલાઈન કરવામાં આવ્યા હતા. એવામાં આજ સવારના હાર્ટ એટેક આવવાના કારણે અવસાન થઈ ગયું હતું.
પરિવારમાં શોકનો માહોલ
બંગાળી અભિનેતા અભિષેક ચેટર્જી પરિવારમાં તેમની પત્ની અને એક પુત્રીને છોડીને ચાલ્યા ગયા છે. આ દુઃખદ સમાચાર બાદ સમગ્ર પરિવારમાં શોકમાં મોજું છવાઈ ગયું છે.
અભિષેક ચેટરજીના ફિલ્મી કારકિર્દીની વાત કરીએ તો તેમને વર્ષ 1986 માં ફિલ્મ ‘પથભોલા’ નામની ફિલ્મથી ઈન્ડસ્ટ્રીમાં ડેબ્યૂ કર્યું હતું. આ સિવાય તેમને ઋતુપર્ણો ઘોષની ‘દહન’ અને ‘બારીવલી’ અને ‘મજુમદાર’ જેવી ફિલ્મોમાં અભિનયની છાપ છોડી હતી. બંગાળી ફિલ્મો સિવાય તેમને ઘણી ટીવી સિરિયલોમાં પણ કામ કર્યું હતું.
