5G In India: બસ સ્ટોપ અને ઇલેક્ટ્રિક થાંભલા પર ચાલીને તમારા ઘરે પહોંચશે 5G, આ છે સરકારની યોજના

5G In India: ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) ઇલેક્ટ્રિક પોલ દ્વારા 5G નેટવર્ક પ્રદાન કરવાની યોજના બનાવી રહી છે. આ સંદર્ભમાં, TRAI એ ટેલિકોમ નેટવર્ક 5G ઇન્સ્ટોલ કરવા માટે ઇલેક્ટ્રિક થાંભલા અને બસ સ્ટોપ જેવા શેરી ફર્નિચરનો ઉપયોગ કરવાની સંભાવના પર લોકોનો અભિપ્રાય માંગ્યો છે. ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ જણાવ્યું હતું કે પબ્લિક સ્ટ્રીટ ફર્નિચરના ઉપયોગથી નવા અને મોટા મોબાઈલ ટાવર અને ફાઈબરની જરૂરિયાત ખતમ થઈ જશે. TRAI વતી આ મામલે પોતાનું સૂચન આપવાની છેલ્લી તારીખ 20 એપ્રિલ નક્કી કરવામાં આવી હતી અને કાઉન્ટર સૂચન આપવા માટે 4 મેની તારીખ નક્કી કરવામાં આવી છે.

મોબાઈલ ટાવર અને ફાઈબર લગાવવાની જરૂરિયાત ઘટાડશે

ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) એ ટેલિકોમ નેટવર્ક્સ, ખાસ કરીને 5G માટે ઈલેક્ટ્રિક પોલ અને બસ સ્ટોપનો ઉપયોગ કરવાની શક્યતા અંગે જાહેર ટિપ્પણીઓ માંગી છે. ટ્રાઈએ કહ્યું છે કે સાર્વજનિક ‘સ્ટ્રીટ ફર્નિચર’ના ઉપયોગથી નવા મોબાઈલ ટાવર અને ફાઈબર લગાવવાની જરૂરિયાત ઘટશે. આનાથી નેટવર્ક અને સેવાઓ શરૂ કરવા માટે મૂડી ખર્ચ અને સમય ઘટશે.

પીએમ ગતિ શક્તિ પહેલને અનુરૂપ

રેગ્યુલેટરે જણાવ્યું હતું કે, નિયંત્રણ સત્તાવાળાઓ દ્વારા સ્ટ્રીટ ફર્નિચરના ઉપયોગને મંજૂરી આપવાથી દેશમાં 5G નાના કોષોની સ્થાપનાના માર્ગમાં મોટી અડચણ દૂર થશે. ટ્રાઈએ કહ્યું કે વિવિધ સંસ્થાઓ વચ્ચે ઈન્ફ્રાસ્ટ્રક્ચરની વહેંચણી પીએમ ગતિ શક્તિ પહેલને અનુરૂપ છે. રેગ્યુલેટરે આ અંગે ટિપ્પણી કરવાની છેલ્લી તારીખ 20 એપ્રિલ નક્કી કરી છે. 4 મે સુધી કાઉન્ટર કોમેન્ટ મોકલી શકાશે.

આ થશે ફાયદો

મોબાઈલ ટાવર અને ફાઈબરને બદલે પાવર પોલના ઉપયોગથી 5G નેટવર્ક સેટ કરવાનો ખર્ચ ઘટશે. આ સાથે, 5G નેટવર્ક અને સેવા શરૂ કરવામાં ઓછો સમય લાગશે. જયારે, 5G નેટવર્ક દેશના ગ્રામીણ અને દૂરના વિસ્તારોમાં સરળતાથી પહોંચાડી શકાશે. આ સિવાય mmWave 5G બેન્ડ સુધી પહોંચવું સરળ બનશે. જણાવી દઈએ કે mmWave 5G બેન્ડથી સૌથી ઝડપી 5G નેટવર્ક પ્રદાન કરી શકાય છે.